• : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • warning: strftime(): It is not safe to rely on the system's timezone settings. You are *required* to use the date.timezone setting or the date_default_timezone_set() function. In case you used any of those methods and you are still getting this warning, you most likely misspelled the timezone identifier. We selected the timezone 'UTC' for now, but please set date.timezone to select your timezone. in /srv/vhost/ptgn.net/home/html/themes/ptgn/flexinode_timestamp.tpl.php on line 9.

A Xunta dá luz verde ao novo Plan de Investigación, Innovación e Crecemento 2011-2015.

O Consello da Xunta deu hoxe o seu visto e prace ao novo Plan de Investigación, Innovación e Crecemento 2011-2015 elaborado pola Consellería de Economía e Industria que, dotado cun orzamento inicial para o vindeiro ano de 192 millóns de euros e co compromiso de que no 2012 e sucesivos anos en ningún caso se establezan contías inferiores, ten o obxectivo de impulsar a competitividade da economía galega nun ámbito global e innovador para acadar uns niveis de produtividade que contribúan ao crecemento de Galicia e garantan un modelo social baseado no coñecemento e no benestar.
Engarzado co Plan Estratéxico de Galicia e conectado coa estratexia da UE de acadar un investimento do 3% do PIB neste eido no 2020, o novo Plan Galego reflicte unha clara e contundente aposta da Xunta pola investigación e a innovación, ademais de instaurar un cambio de modelo que pasa por extremar a eficacia dos investimentos, cunha xestión onde se extremen os mecanismos de control dos recursos públicos de cara a garantir o retorno dos investimentos e a súa capacidade para xerar riqueza.

A prioridade establecida no Plan para a nova política de I+D+i da Xunta é dispor os recursos necesarios e promover as relacións necesarias para que o coñecemento xerado polos axentes do Sistema Galego de Investigación e Innovación sexa posto en valor -en termos económicos- polos propios axentes en primeiro termo, solucionando así unha eiva importante das políticas asociadas ao Plan que agora remata a súa vixencia.

O novo Plan Galego de Investigación, Innovación e Crecemento resolverá, en primeiro lugar, os problemas derivados dunha escasa atención á creación de valor e á explotación económica dos resultados da investigación. Mediante liñas de actuación especificamente dirixidas á empresa darase soporte ao aumento da competitividade económica con base na innovación, e no que se refire ao sistema público de I+D+i, o acento porase na optimización da transferencia de resultados da I+D ao sector produtivo, o que reverterá directamente no aumento dos seus recursos propios para continuar o seu labor científico.

Por este motivo, respondendo ao obxectivo de acelerar a transición ata un modelo económico baseado na xeración de coñecemento, o Plan reflicte que a formación de recursos humanos constitúe un dos activos prioritarios na tarefa da transferencia de resultados para gañar en competitividade, e mantense unha aposta sen fisuras pola formación de profesionais en todas as etapas capaces de involucrarse na creación de valor e mais no fornecemento dun modelo sustentable para a I+D+i galega a través de liñas de actuación para a xestión do talento e a consolidación de grupos de referencia para que o investimento público reverta en crecemento empresarial baseado no coñecemento transferido para producir innovación.

Hai que destacar que o novo Plan, na procura irrenunciable de avanzar e impulsar as sinerxías entre os axentes do Sistema Galego de I+D+i recolle o apoio a proxectos singulares en tres campos de coñecemento con especial proxección desde o ámbito universitario galego, como son as tecnoloxías e as ciencias da vida, centrado na potencialidade investigadora concentrada no Campus Vida da USC; as ciencias do Mar, relacionado co potencial do Campus do Mar liderado pola Universidade de Vigo; e a ciencia e tecnoloxía forestal, dada a súa importancia para Galicia.

Ademais, a estratexia non esquece, no ámbito da innovación empresarial, os programas sectoriais que definen as áreas de coñecemento e competitividade en que Galicia ten un maior potencial (saúde, alimentación, agricultura, pesca e biotecnoloxía, TIC, nanociencias, nanotecoloxías, materiais e novas tecnoloxías de produción, enerxía, ambiente, transporte, seguridade, ciencias socioeconómicas e humanidades, turismo, e construción e enxeñaría civil).

O documento aprobado hoxe polo Consello da Xunta recolle tamén como elemento diferenciador co anterior plan a avaliación continua de resultados a todos os niveis, con mecanismos de control e sistematización dos seus resultados para valorar a súa repercusión no sistema galego de I+D+i co obxectivo de converter o plan nunha ferramenta práctica e dinámica para garantir a flexibilidade e capacidade de reacción necesarias nun contexto exixente.

Fonte: Código Cero.