• : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • : Function ereg() is deprecated in /srv/vhost/ptgn.net/home/html/includes/file.inc on line 645.
  • warning: strftime(): It is not safe to rely on the system's timezone settings. You are *required* to use the date.timezone setting or the date_default_timezone_set() function. In case you used any of those methods and you are still getting this warning, you most likely misspelled the timezone identifier. We selected the timezone 'UTC' for now, but please set date.timezone to select your timezone. in /srv/vhost/ptgn.net/home/html/themes/ptgn/flexinode_timestamp.tpl.php on line 9.

Vigo participa na creación do primeiro sistema totalmente automatizado para a soldadura de cascos de buques.

Reduciría custes, aceleraría os procesos, aumentaría a calidade e melloraría as condicións de traballo dos operarios.
Con preto do 20% da capacidade mundial, a industria europea da construción naval xera máis de 100.000 postos de traballo directos e outros 300.000 na industria auxiliar. Sen embargo, para ser competitivos nun mercado dominado por Xapón, China e Corea do Sur, as empresas deben facer unha clara aposta pola tecnoloxía, a investigación e a aplicación de métodos de produción innovadores. Este é o contexto no que nace o proxecto Shipweld, co que seis institucións europeas tratan de desenvolver un sistema de soldadura de casco dos barcos totalmente automatizado, que permita o control en liña e o axuste de parámetros e traxectoria. “As tarefas que se realizan sobre o buque son moi complexas porque hai zonas de difícil accesibilidade ou permanencia e porque a maior parte das operacións realízanse á intemperie. Todo iso dificulta conseguir este tipo de equipamento”, explica Enrique Ares, director do Máster en Tecnoloxías Avanzadas de Procesos de Deseño e Fabricación Mecánica e do grupo de investigación da Universidade de Vigo que colabora co proxecto. Financiado polo programa do Espazo da Área Atlántica da Unión Europea para aumentar a competitividade dos asteleiros, o proxecto está en fase experimental tras case dous anos de traballo e ten previsto rematar en outubro.

Os procedementos de soldadura dos cascos dos buques precisan "un cambio significativo", xa que a maioría son manuais, con unha alta incerteza na repetitividade do proceso e con risco para a seguridade e saúde dos operarios. A automatización proporcionaría unha redución nos custes de produción, aceleraría os procesos, aumentaría a calidade da unión e melloraría as condicións de traballo dos soldadores. A complexidade do seguemento das xuntas de soldadura de gran profundidade e lonxitude é un dos retos aos que se enfronta este proxecto. “Estamos a falar de chapas de unión de pezas que poden ter entre un e 50 centímetros de espesor, o que implica unha gran cantidade de cordóns que facer”, salienta Ares.

Con seis socios, o proxecto está encabezado polo maior grupo privado de I+D+i de España, Tecnalia Research & Innovation, e involucra ao Instituto de Soldadura e Qualidade de Portugal, ás universidades de Vigo, de Nantes (Francia) e de Cardiff (Reino Unido) e ao asteleiro STX France Cruise, un dos máis grandes de Europa.

Dous prototipos de automatización

Aínda que existen sistemas comerciais que aportan solucións parciais, o grupo traballa en dous prototipos para acadar unha automatización total: un baseado nun robot e outro nun carro. As probas en situacións reais son as que decidirán cal é o máis axeitado para empregar como unmáquina de soldadura portátil que se desprace so pola xunta da soldadura. Os requisitos: que teña posicionamento automático do facho da soldadura e capacidade para controlar os parámetros necesarios para axustar a xeometría do cordón ao espazo variable que hai entre as placas do casco, producíndoos incluso en varias capas. Nestes intres un banco de ensaios específico está poñendo a proba o sistema en Nantes: un sensor láser monitoriza a xunta para que un robot poida dirixir o movemento do facho e probe as distintas operacións que se poden levar a cabo no casco do barco en posición vertical, horizontal, plana e overhead.

O adestramento, en Vigo

Ata o 21 de xaneiro, profesores e profesionais dos centros tecnolóxicos e de empresas especializadas serán os encargados de divulgar este proxecto e levar a cabo un training course sobre o uso de este sistema entre o alumnado da Universidade de Vigo. Baixo o título Tecnoloxías e procesos de soldadura no casco do buque, os participantes adquirirán a cualificación profesional necesaria para procesos de construción de cascos de barco, coñecendo técnicas de soldadura respectuosas co medio ambiente e a súa automatización. Dentro do proxecto tamén se formalizará unha rede de colaboración a longo prazo que se fomentará a través dun portal web con información ao día.